Tiz iýmit restoranlar ulgamy McDonald's Günorta Koreýanyň BTS topary bilen täze hyzmatdaşlygyny hödürledi. Bu barada Today habar berýär.
Sentýabrdan başlap ulgamyň restoranlarynda toparyň agzalarynyň heýkeljikleri bilen Happy Meal toplumyny satyn alyp bolar. Heýkeljikler Big Hit Entertainment kompaniýasy tarapyndan 2019-njy ýylda resmi merçiň bir bölegi hökmünde döredilipdi.
Iki seriýa çykarylar: 3-nji sentýabrdan Throwback Edition, 23-nji sentýabrdan Encore Edition. Her bir Happy Meal toplumyna bir heýkel we toparyň agzasynyň suraty bolan kartoçka goşular.
Taslamany goldamak maksady bilen 27-nji we 28-nji sentýabrda Los-Anjelesde Magic Meetup çäresi geçiriler. Mundan başga-da, Happy Meal toplumynyň gaplamasynda TinyTan Power Up mobil oýnuna salgylanma peýda bolar. Muşdaklar wirtual gahrymanlar bilen oýnap biler.
Bu ulgam bilen toparyň arasynda ilkinji hyzmatdaşlyk däl. 2021-nji ýylda McDonald's naggetsler we sous bilen BTS Meal toplumyny çykardy. Ol meşhur bolup, kompaniýanyň dünýädäki satuwyny 40,5% ýokarlandyrdy. Toplumyň gaplamasy derrew kolleksiýa predmetine öwrülip, eBay-de gaýtadan satyldy.
