WhatsApp-da ulanyja emeli aňyň kömegi bilen habar ýazmaga we redaktirlemäge kömek edýän synag funksiýasy peýda boldy. Şeýle aýratynlyk iPhone üçin messenjeriň soňky beta-wersiýasynda bar diýip, MacRumors habar berýär.
EA-kömekçisi düwmesi gifleriň we stikerleriň ýanynda ýerleşdirildi. Ulanyjy oňa basyp, öz tekstini ýazyp bilýär, şondan soň ulgam has şowly görnüşini teklip eder. Ibermezden öň ulanyjy bäş stiliň birini saýlap biler:
- ·Resmi,
- ·Gülküli,
- ·Mylakatly,
- ·Ýalňyşlyklar düzedilen,
- ·Üýtgedilen (has laýyk gelýän sözler bilen çalşylan).
Funksiýa Meta AI çat-botunyň esasynda işleýär. Işläp düzüjileriň maglumatlaryna görä, habarlar şifrlemek arkaly goralan bolup, olaryň mazmuny üçünji tarapa geçirilmeýär. Şeýle-de, kompaniýa tekstiň ulanyjy tarapyndan ýazylandygyny ýa-da neýroulgam arkaly döredilendigini tapawutlandyrmaýandygyny nygtady. Kabul edijide hem habaryň emeli aň tarapyndan döredilendigi görünmez.
Eger synaglar üstünlikli geçse, tekstleri redaktirlemek guraly bir ýylyň dowamynda WhatsApp-yň indiki täzelenmelerinde peýda bolar.
