Ýaponiýanyň günbatar prefekturalarynyň üstünden sişenbe güni ýerli wagt bilen 23:00-da ýiti otly şar uçup geçdi diýip, The Guardian habar berýär.
Birbada birnäçe sebitiň ýaşaýjylary bu hadysa syn edip, sosial ulgamlarda wideo ýerleşdirdi. Şaýatlaryň aýtmagyna görä, asman jisiminiň ýagtylygy Aý bilen deňleşýärdi. Miýadzaki prefekturasyndan şaýat şeýle gürrüň berýär: “Ýokarda daş-töweregi şeýle bir ýiti ýagtyldan ak yşyk peýda boldy welin, men jaýlaryň diňe käbir ýerini görüp bildim”. Beýleki bir ýerli ýaşaýjy “Duýdansyz gündiz ýaly ýagty boldy. Men birbada aljyrap, näme bolýandygyna düşünip bilmedim” – diýip belleýär.
Sasumasendaýdaky Sendaý kosmos muzeýiniň müdiri Marda Tosihisa “otly şara” meňzeýän meteorlaryň tozan, asteroidleriň we beýleki kosmos jisimleriniň Ýeriň atmosferasyna girende ýanýan bölejikleri sebäpli ýagty saçýandygyny aýtdy.
Ol häzirki ýagtylyk şarynyň, şübhesiz, şeýle meteordygyny belledi. Hünärmen onuň deňze gaçyp bilendigini sözüniň üstüne goşdy.
NASA-nyň hasaby boýunça, jisimiň ululygy diametri boýunça 1 metre golaý. Hünärmenler häzir onuň gaçan ýerini bilmek üçin uçuş ýoluny öwrenýär. Çaklamalara görä, ol Ýuwaş ummana gaçan bolmaly.
