Google resmi taýdan Pixel 10 smartfon hataryny hödürledi. Oňa esasy model, flagman Pixel 10 Pro we Pixel 10 Pro XL, şeýle-de eplenýän Pixel 10 Pro Fold girdi.
Smartfonlaryň ählisi Tensor G5 çibinde işleýär we güýzde satuwa çykarylar. Olarda Android 16 operasion ulgamy gurnaldy we adatdakysy ýaly 7 ýyl täzelenme kepillendirilýär.
Pixel 10
Esasy model üçli kamera eýe boldy: 48 Mp esasy modul, 13 Mp ultra giňburçly, 5 esse optiki zum bilen 10,8 Mp teleobýektiw.
Frontal kamera – 10,5 Mp. Smartfon 120 Gs täzelenme ýygylygy bilen 6,3 dýuýmlyk OLED ekrany, 4790 mA/sag akkumulýator we Qi2 simsiz zarýad goldawy bilen üpjün edildi. Korpus IP68 standarty boýunça goralýar.
Bahasy: 12/128 GB - $800, 12/256 Gb - $900.
Pixel 10 Pro we Pixel 10 Pro XL
Modelleriň ikisi-de 120 Gs täzelenme ýygylygy bilen OLED ekranyna eýe boldy, ýöne Pro-nyň displeýiniň diagonaly – 6,3 dýuým, Pro XL – 6,8 dýuým. Pro wersiýada displeýiň durulygy 1280 x 2856 piksele, Pro XL – 1344 x 2992 piksele barabar. Iň ýokary ýagtylyk 3300 kd/kw.m. ýetýär, goragy Gorilla Glass Victus 2 aýnasy üpjün edýär.
Kamera üçli: 50 Mp esasy modul, 48 Mp ultra giň, 5 esse optiki zum we 100 esse gibrid bilen täze 48 Mp teleobýektiw.
Smartfonlar 8K formatda wideo ýazmaga mümkinçilik berýär. Şeýle-de, 42 Mp frontal kamera, degişlilikde, 4870 we 5200 mA/sag akkumulýator, Qi2 simsiz zarýad we IP68 goragy bar.
Bahalar:
Pixel 10 Pro: 128 GB — $1000, 256 GB — $1100, 512 GB — $1220, 1 TB — $1450;
Pixel 10 Pro XL: 256 GB — $1200, 512 GB — $1320, 1 TB — $1550
Pixel 10 Pro Fold
Eplenýän wersiýa 8 dýuýmlyk içki OLED ekranyna we 6,4 dýuýmlyk daşky ekrana eýe boldy. Onuň ýogynlygy ýygnalan görnüşde 10,8 mm, agramy 258 grama barabar.
Esasy kamera üçli bolup, 48 Mp giňburçly obýektiw, 10,5 Mp ultra giňburçly obýektiw we 5 esse optiki zum bilen 10,8 Mp. Frontal kameralar – her ekranda 10 Mp.
Akkumulýator sygymy 5015 mA/sag bolup, çalt we 15 Wt kuwwatly Qi2 simsiz zarýad goldawy bar.
Mundan başga-da, smartfon işletmek düwmesine gurnalan gapdal skaner, stereodinamikler, üç mikrofon, Wi-Fi 7, Bluetooth 6, NFC, UWB modullary bilen üpjün edildi.
Operatiw ýat – 16 GB, fleş-ýat – 256 GB ($1800), 512 GB ($1920) we 1 TB ($2150).
