Ford kompaniýasy iki sany ýörite taslamasynyň – Bronco Silver Lake Dunes Project Vehicle we Bronco Sport Silver Lake Dunes Project Vehicle wersiýalarynyň çykmagy bilen Bronco modeliniň 60 ýyllygyny belledi. Olar Miçigan ştatynyň çägeli aňňatlaryna bagyşlandy we awtomobilleri şahsylaşdyrmagyň mümkinçiliklerini görkezýär.
Bu ulaglar satuwa çykmaz. Ýöne awtomobil eýeleri Ford Performance Parts katalogyny, başga üpjün edijilerden aksessuarlary we bezeg suratlaryny ulanyp, şeýle ulaglary özbaşdak ýygnap bilýär.
Ulaglaryň ikisi-de Azure Gray reňki bilen boýaldy we aňňatlaryň hem gözýetimiň şekili bilen özboluşly winil suratlara eýe boldy.
Bronco modeli Heritage tigirleri we BFGoodrich T/A KO3 tekerleri bilen enjamlaşdyryldy. Sport wersiýasy Mustang Mach-E Rally-dan tigirlere we ýolsuz ýer üçin niýetlenen BFGoodrich XL TRTERRA tekerlerine eýe boldy. Şeýle-de, Yakima reýlingi, Rigid Industries yşyk diodly çyralary, berk bamperler we bezegde mämişi öwüşginler ulanyldy.
Täze ulaglaryň bahasy yglan edilmedi, ol saýlanan komponentlere bagly.
