Mercedes-Benz girdejileri azalandan soň strategiýasyny üýtgedýändigini mälim etdi. Handelsblatt portalynyň habar bermegine görä, kompaniýa 2027-nji ýyla çenli köpçülikleýin bazar üçin niýetlenen 36 täze awtoulag çykarmagy meýilleşdirýär.
Täze hatara 19 sany adaty içinden ýandyrylýan hereketlendirijili we 17 sany elektromobil giriziler. Şol bir wagtda kompaniýa kiçi awtoulaglaryň we ýük daşaýjy ulaglaryň (SUV) sanyny artdyrmagy hem-de dizaýnlaryny üýtgetmegi göz öňünde tutýar.
Kompaniýanyň baş direktory Ola Kalleniusyň bellemegine görä, brendiň maksady ähli segmentlerde islegli awtoulaglary hödürlemekden ybarat. Onuň sözlerine görä, bahasy 100 müň ýewrodan ýokary bolan Maybach-yň we AMG-nyň gymmat modelleri garaşylanyny bermedi.
Şeýle hem, maliýe hasabatynda ýylyň ilkinji ýarymynda girdejiniň iki esse azalanlygy görkezildi. Awtoulag bölüminde girdejililik 15%-den 5,3%-e çenli peseldi. Kompaniýanyň wekilleriniň bellemegine görä, ýylda 2 milliondan az awtoulag öndürmek girdejili däldir.
