2025-nji ýylda Ýewropada aşa yssy howa tokaý ýangynlarynyň ýetirýän zyýanynyň ep-esli ýokarlanmagyna sebäp boldy. Ýokary temperatura ösümlikleri guradyp, ýangynyň ýaýramagyny aňsatlaşdyrdy.
The Guardian gazetiniň berýän habaryna görä, şu ýyl Ýewropada 400 000 gektardan gowrak tokaý ýandy, bu bolsa soňky 20 ýyldaky ortaça görkezijiden 87% köpdür.
Fransiýada Angulem, Beržerak, Bordo, Sent-Emilýon we Sen-Žiron şäherleri soňky onýyllyklarda howanyň ortaça temperaturasy 12 dereje ýokary. Horwatiýada aňrybaş taryhy görkezijiler hasaba aldy: Şibenikde 39,5 dereje, Dubrownikde 38,9 dereje. Italiýanyň 27 iri şäheriniň 16-synda yssy sebäpli gyzyl duýduryş derejesi yglan edildi.
"Bu yssy tolkunynyň esasy aýratynlygy intensiwlik däl-de, dowamlylyk we geriminiň giňligi. Emma temperatura barybir juda ýokary bolmagynda galýar" – diýip, Ispaniýanyň Aemet meteorologiýa gullugynyň hünärmeni Hose Kamaço belleýär.
