Telewizion akademiýasy ýörite kategoriýalarda 77-nji “Emmi” baýragynyň laureatlarynyň birinji tapgyryny yglan etdi. Şu ýyl ýeňijileriň arasynda Beýonse hem bar diýip, Entertainment habar berýär.
Aýdymçy bu baýragy 2024-nji ýylda NFL oýnunyň arakesmesindäki çykyşynyň kostýumlary üçin aldy. Şüweleň Netflix-de Beyoncé Bowl hökmünde görkezildi. Bu onuň karýerasynda ilkinji “Emmidir”.
“Warýete, dokumental ýa-da realiti-programmalar üçin iň gowy kostýumlar” nominasiýasynda Beýonse ýeňşi dizaýner Şiona Turini, kömekçileri Erika Raýs we Molli Piters, superwaýzer Çelsi Stabell we atelýe ýolbaşçysy Timoti Uaýt bilen paýlaşdy.
Ýörite kategoriýalarda baýraklar 6 – 7-nji sentýabrda geçiriljek Creative Arts Emmy dabarasynda gowşurylar. Beýonse “Iň gowy warýete-şou” kategoriýasynda hem baýrak üçin dalaşgär görkezildi. Onda ýeňijiler 14-nji sentýabrda Primetime Emmy ýaýlymynda yglan ediler.
Beyoncé Bowl Roždestwo çykyşy Hýustonda düşürildi. Programmada aýdymçy kowboý şlýapasynda we atyň üstünde Cowboy Carter albomyndan “16 Carriages”, “Ya Ya”, “Jolene” we “Texas Hold ’Em” aýdymlaryny ýerine ýetirdi. Onuň bilen sahna Post Malone, Shaboozey we aýdymçynyň gyzy Blýu Aýwi Karter hem çykdy.
