Counter-Strike 2 oýnunda öý haýwanlary-towuklar peýda bolup biler.
Datamaýnerler oýun faýllarynda towuklaryň, ýumurtgalaryň modellerini we interfeýsde “Öý haýwanlary” goşundysyny tapdy. Onda üýtgeşik daşky keşbi we “Alaka”, “Leggro” ýaly atlary bolan bäş dürli guş görkezilen.
Syzdyrylan maglumatlara görä, oýunçy keýs ýa-da kapsula arkaly ýumurtga alyp, ony oýunda goýup, towuk çykýança garaşyp biler. Ony inwentarda saýlamak we söweşe alyp gitmek bolýar. Guş oýunçynyň yzyna düşer ýa-da adaty oýun towuklary onuň ýanynda durar.
Ilkinji gezek öý haýwanlary barada maglumatlar 2025-nji ýylyň iýul aýyndaky täzelenmeden soň peýda boldy. Muşdaklar Valve olary geljekki uly täzelenmeleriň birinde, ähtimal, täze operasiýanyň ýa-da Battle Pass-yň çäklerinde goşar diýip pikir edýär. Kompaniýadan resmi teswirler entek ýok.
Oýunçylar eýýäm “pat-to-lose” bolup biljekdigi barada degişýär, ýagny towuk oýunçynyň yzyna düşüp ýörse, ol kemperiň ýerleşýän ýeriniň üstüni açyp biler.
Oýunlarda “kemper” diýip öldürmek aňsat bolar ýaly duşman duşundan ötüp gidýänçä bukalgada oturýan oýunçy atlandyrylýar. Şeýle tilsim, köplenç, makullanmaýar we beýleki oýunçylary gaharlandyrýar.
