Manhart týuning atelýesi Mersedes-AMG C 63 sedanynyň eýýäm geçmişe giden W205 nesliniň ýörite modifikasiýasyny hödürledi. Wersiýa CR 700 diýip atlandyryldy diýip, Autoevolution ýazýar.
Täze wersiýadaky 4,0 litrlik goşa turbo V8 hereketlendirijisi 700 at güýjüne we 900 Nm torka çenli gowulandyryldy, bu adaty C 63 S-iň tizliginden 190 at güýji köpdür. Sagatda 100 km tizlige 3,5 sekuntda çykýar, muny häzirki C 63 SE Performance-niň häsiýetnamalary bilen deňeşdirmek bolar.
Awtoulag Manhartyň häsiýetli sary zolaklary geçirilip, gara reňkde ýerine ýetirildi. Ol iki äheňde bezegli alty dilli garyndy tekerler, şeýle hem sary tormoz supportalary bilen enjamlaşdyrylandyr. Bagažyň ýüzünde CR 700 we Last Edition nyşanlary bar.
Bu model dinamiki awtoulaglara gadyr goýýan we BMW M3 ýaly häzirki zaman sport sedanlary bilen bäsleşmäge mümkinçilik berýän V8 hereketlendirijili nusgawy düzülişi makul bilýän awtoulag höwesjeňlerine gönükdirilendir.
