Volkswagen kompaniýasy sentýabr aýynda Mýunhen awtoulag sergisinde T-Roc krossoweriniň ikinji neslini görkezmäge taýýarlanýar. Şeýle-de bolsa, täze modeliň daşky we içki suratlary eýýäm internetde peýda boldy. Hytaýyň AutoHome neşiri suratlaryň nireden gelendigini görkezmezden, neşir etdi.
Suratlar T-Roc-yň dizaýnynyň brendiň häzirki zaman ülňülerine laýyk getirilendigini görkezýär. Awtoulagda VW Golf-iň häsiýetleri bilen markanyň elektrik wsedorožniklerini utgaşdyrýar. Dinamiki sudury saklanyp galypdyr, ýöne dizaýnerler yzky stoýkalary üýtgedip, gara bezegli has mese-mälim bamperleri goşup, optikany täzelediler. LED zolaklar we yşyklandyrylan logotip peýda boldy.
Salony hem Volkswagen-iň häzirki modelleriniň stilinde bezelendir. Krossowerde täze dolandyryş paneli, has uly multimediýa ulgamly ekran we fiziki düwmeli üç dilli ruly bar.
AutoHome-niň berýän maglumatlaryna görä, hereketlendirijiniň hataryna ýumşak gibrid ulgamly benzin gurluşlary girer - muňa bagažyň gapagyndaky eTSI belligi şaýatlyk edýär. Zarýad berilýän gibridiň çykarylmagy hem mümkindir. Käbir hereketlendirijileri, belki, Golf-yňky ýaly bolar.
Häzirki wagtda Hytaýyň bazary üçin niýetlenen T-Roc 160 at güýjüne çenli güýçlendiriji we ýedi tizlikli robot geçiriji karobkasy bilen işleýän turbo görnüşli hereketlendirijiler bilen enjamlaşdyrylandyr.
