Samsung kompaniýasy Galaxy A17 smartfonyny hödürledi – bu Galaxy A1X hatarynyň ýedinji neslinde ilkinji we 2025-nji ýylda brendiň iň elýeterli smartfony boldy. Dünýä bazarynda modeliň satuwy eýýäm başlandy.
Galaxy A17 smartfony 5-nm tehprosesi boýunça döredilen Exynos 1330 prosessoryna eýe boldy, bu Mediatek Helio G99 çipli geçen ýylky Galaxy A16 bilen deňeşdirilende kämilleşmedir. Displeý öňküligine galdy: durulygy 2340x1080 piksel we täzelenme ýygylygy 90 Gs bolan 6,7 dýuýmlyk AMOLED, ýöne has berk Gorilla Glass Victus aýnasyny aldy.
Korpus birneme inçe (7,9 mm bilen deňeşdirilende 7,5 mm) we ýeňil (200 g bilen deňeşdirilende 192 g) boldy. Üçli kamera indi bir dik bloga birikdirildi. Frontal kamera üçin U şekilli ýer üýtgewsiz galdy.
Smartfon Android 15-iň esasynda One UI 7 bilen çykar we alty ýylyň dowamynda, Android 21-e çenli täzelenme alar.
Şeýle-de, goşa stereodinamik, barmak yzynyň skaneri, 2 TB çenli microSD kart goldawy we NFC moduly bar.
Esasy aýratynlyklary:
- ·Kameralar: 50 Mp (OIS) + 5 Mp + 2 Mp; frontal – 13 Mp
- ·Ýat: 4/6/8 GB operatiw, 128/256 GB hemişelik
- ·Batareýa: 5000 mA/sag, 25 Wt simli zarýad
- ·Aragatnaşyk: 5G, Wi-Fi 5, Bluetooth 5.3
- ·Suwdan we tozandan gorag: IP54
Satuwa Galaxy A17 gök, gara we kümüşsöw reňklerde çykdy. Toplumda zarýad beriji ýok.
Ýewropada arzan Samsung Galaxy A17-niň bahasy 239 ýewrodan başlaýar.
Soňrak model beýleki bazarlarda-da peýda bolar.
