France Football 2025-nji ýylyň “Altyn top” baýragyna dalaşgärleri yglan etdi

  • 08.08.2025 17:03
  • 13k+

France Football fransuz žurnaly 2025-nji ýylyň “Altyn top” baýragyna dalaşgärleriň sanawyny hödürledi. Bu barada baýragyň X sosial ulgamyndaky sahypasynda habar berilýär.

2024/25 möwsüminiň iň gowy oýunçysy üçin baýraga 30 futbolçy dalaş edýär, olaryň arasynda dokuz oýunçy Fransiýanyň “Pari Sen-Žermen” klubundan.
2024/25 möwsüminde “PSŽ” taryhda ilkinji gezek Çempionlar ligasynyň ýeňijisi, şeýle-de Fransiýanyň çempiony we Kubogynyň eýesi boldy. Taryhda ikinji gezek birbada dokuz dalaşgär bir kluba wekilçilik edýär. 2018-nji ýylda şeýle netijäni Madridiň “Realy” görkezdi.
1956-njy ýylda baýrak esaslandyrylany bäri ilkinji gezek Fransiýanyň çempionaty sanawdaky oýunçylaryň sany boýunça öňde barýar.
Klublar boýunça dalaşgärleriň sanawy:

  • “PSŽ”: Usman Dembele (Fransiýa), Janluiji Donnarumma (Italiýa), Dezire Due (Fransiýa), Aşraf Hakimi (Marokko), Hwiça Kwarasheliýa (Gruziýa), Nunu Mendeş (Portugaliýa), Žoau Neweş (Portugaliýa), Fabian Ruis (Ispaniýa), Witinýa (Portugaliýa).
  • “Liwerpul”: Aleksis Makallister (Argentina), Wirjil wan Deýk (Niderlandlar), Mohamed Salah (Müsür), Florian Wirs (Germaniýa).
  • “Barselona”: Robert Lewandowski (Polşa), Pedri (Ispaniýa), Rafinýa (Braziliýa), Lamin Ýamal (Ispaniýa).
  • “Real”: Jud Bellingem (Angliýa), Kilian Mbappe (Fransiýa), Winisius Žunior (Braziliýa).
  • “Inter”: Denzel Dýumfris (Niderlandlar), Lautaro Martines (Argentina).
  • “Arsenal”: Wiktor Dýokereş (Şwesiýa), Deklan Raýs (Angliýa).
  • “Bawariýa”: Garri Keýn (Angliýa), Maýkl Olise (Fransiýa).
  • Dortmundyň “Borussiýasy”: Seru Girassi (Gwineýa).
  • “Mançester Siti”: Erling Holand (Norwegiýa).
  • “Napoli”: Skott Maktomineý (Şotlandiýa).
  • “Çelsi”: Koul Palmer (Angliýa).

“Altyn topuň” gowşurylyş dabarasy 22-nji sentýabrda Parižde geçiriler.
2024-nji ýylda baýragyň eýesi “Mançester Sitiniň” ispaniýaly ýarymgoragçysy Rodri boldy. Ol şikes sebäpli tutuş möwsümi diýen ýaly sypdyrdy.












düýn 09:17
7.9k+

Türkmenistanyň milli ýygyndysy CAFA Milletler kubogynda Gyrgyzystan bilen 1:1 oýnady

30-njy awgustda CAFA Milletler kubogynda Türkmenistanyň milli ýygyndysy ilkinji duşuşygynda Gyrgyzystanyň garşysyna meýdança çykdy. Oýnuň ilkinji minutlarynda Gyrgyzystanyň milli ýygyndysy topa has köp erk etmegi başardy...

30.08.2025 18:01
4.2k+

Esasy transferler: Simons “Tottenhemiň” oýunçysy boldy, Garnaço “Çelsä” geçýär

“Tottenhem” resmi taýdan 22 ýaşly hüjümçi Hawi Simons bilen şertnama baglaşandygyny habar berdi. Klub “RB Leýpsige” 52 mln funt (60 mln ýewrodan gowrak) tölär. Futbolçy ýene iki möwsüm uzaltmak mümkinçiligi bilen bäşýyllyk şertnama baglaşdy...

30.08.2025 17:55
3.5k+

Ýewropa ligasynyň we Konferensiýa ligasynyň esasy tapgyrynyň bijeleri çekildi

UEFA Monakoda Ýewropa ligasynyň esasy tapgyrynyň bije çekişigini geçirdi. Ol ikinji möwsüm 36 toparyň gatnaşmagynda täzelenen görnüşde geçer. Şol gün Şweýsariýanyň Nýon şäherinde Ýewropada üçünji möhüm klub ýaryşy bolan Konferensiýa ligasynyň umumy tapgyrynyň hem bije çekişigi geçirildi...

30.08.2025 12:24
7.6k+

Zlatan Ibragimowiç we “Çelsi” UEFA-nyň prezidentiniň baýraklaryna mynasyp boldy

Şwesiýanyň milli ýygyndysynyň taryhynda iň gowy bombardir Zlatan Ibragimowiç UEFA-nyň prezidentiniň her ýyl berilýän baýragyna mynasyp boldy. Dabara penşenbe güni Monakoda geçen Çempionlar ligasynyň bije çekişigi wagtynda geçirildi...