Amerikaly aýdymçy Ledi Gaga MTV Video Music Awards 2025 baýragy üçin nominasiýa sany boýunça öňdebaryjy boldy. Onuň täze MAYHEM albomy “Iň gowy albom” kategoriýasynda baýrak üçin dalaş edýär diýip, Hypebae neşiri habar berýär.
Bruno Mars bilen bilelikde ýazylan Die With A Smile aýdymy dört kategoriýada baýraga dalaşgär görkezildi: “Ýylyň wideosy”, “Iň gowy hyzmatdaşlyk”, “Ýylyň aýdymy” we “Iň gowy pop-klip”.
Albomdan başga bir aýdym üçin döredilen Abracadabra aýdym-saz wideosy alty tehniki kategoriýada dalaşgär görkezildi: “Iň gowy režissýorlyk”, “Iň gowy montaž”, “Iň gowy horeografiýa”, “Iň gowy operatorlyk işi”, “Iň gowy wizual effektler” we “Ýylyň iň gowy wideosy”. Şeýlelikde, hut Abracadabra sanawda iň köp görkezilen klip boldy.
Şu ýyl nominasiýa sany boýunça öňdebaryjylaryň üçlügine Bruno Mars (11 nominasiýa) we Kendrik Lamar (10) hem girdi. Roze we Sabrina Karpenter sekiz nominasiýada, Ariana Grande we The Weeknd ýedi nominasiýada baýrak üçin dalaş edýär.
Internet torunda Ledi Gaganyň baýrak sany boýunça Beýonseniň we Teýlor Swiftiň rekordlaryny täzeläp biljekdigi barada çekeleşik gidýär.
Şeýle-de, aýdymçynyň dabara gatnaşjakdygy heniz anyk däl: MTV VMA baýragynyň gowşurylyş dabarasy onuň Nýu-Ýorkdaky Madison Square Garden-de Mayhem Ball konserti bilen gabat gelýär.
Ses berişlik günde 20 gezek ses bermek mümkinçiligi bilen MTV VMA saýtynda geçirilýär.
