Hyundai Motor Hytaý bazary üçin Palisade 2026 wnedorožnigini hödürledi. Modeliň satuwy 29-njy awgustda Çendu awtoulag sergisinde başlar.
Täze model diňe 2,5 litrlik hereketlendirijiler bilen - 281 at güýçli turbo görnüşli benzinli hereketlendiriji we 334 at güýjüni öndürýän gibrid gurluş bilen elýeterlidir.
Deňeşdirmek üçin, Palisade 2023-iň häzirki hytaý wersiýasy tebigy islegli 3,5 litrlik V6 bilen enjamlaşdyrylandyr. 2026-njy ýylyň modeliniň daşky görnüşi üýtgemedi diýen ýaly - uly hrom radiator gözenegini, adaty gapy tutawaçlaryny we yz tarapyndaky goşa tüsseçykaryny saklap galdy.
Salony 12,3 dýuýmlyk iki ekran, daş-töweregi yşyklandyryş, iki bölümli lýuk we transmissiýa režiminiň rulda oturdylan ýakyp-öçürijisi bilen enjamlaşdyrylandyr. Öňdäki we ikinji hatardaky oturgyçlar gyzdyryjylary we şemalladyjylary, üçünji hatardakylar bolsa diňe gyzdyryjylary aldy. Şeýle hem, ikinji hatar üçin tutujyklar we ikinji hatarda aýratyn oturgyçlar göz öňünde tutulan.
Awtoulagyň ölçegleri 5060 × 1980 × 1805 mm, teker bazasy 2970 mm. Gibrid görnüşiniň iň ýokary ýöreýiş ätiýaçlygy 1000 kilometrden geçýär.
