General Motors kompaniýasy noutbuk, iýmit ýa-da kitap goýulýan stola öwrülip bilýän tirsekligiň gurluşyny patentledi. Patent üçin arza 2024-nji ýylyň ýanwar aýynda berildi, ýöne indi çap edildi.
Resminama laýyklykda ulgam üç aýlanýan bölümden durýar. Eplengi ýagdaýda ol adaty tirseklik bolup, açylanda durnukly tekiz üst bolýar. Gurluş ergonomiki bolup galýar: tirseklik tirsek goýmaga amatlylygyny saklamak bilen, ýola çykylan wagtynda noutbugyň ýa-da iýmitiň agramyny göterip bilýär.
Enjamyň tapawutly aýratynlygy onuň ýerleşýän ýeri bolup durýar. Stoljyk sürüjä-de, öňdäki ýolagça-da ulanmaga oňaýly bolar ýaly, arkalyga däl-de, göni oturgyjyň tirsekligine gurlupdyr. Bu salonda goşmaça ýer boşatmaga-da mümkinçilik berýär.
Şeýlelikde, GM giňden ýaýran daş aralykdan işlemek şertlerinde we ýolda ýygy-ýygydan iýmitlenmek şertlerine laýyk bolup biljek çözgüt hödürleýär. Bu işläp taýýarlamanyň önümçilik awtoulaglarynda peýda boljagy-bolmajagy we haçan durmuşa ornaşdyryljagy entek belli däl.
Häzirki wagtda General Motors-a Cadillac, Chevrolet, Buick we GMC awtoulag markalary degişlidir.
