Şwesiýanyň Koenigsegg awtoulag markasyny esaslandyryjy Kristian fon Kýonigsegg ganaty ýapyk görnüşli uçar gurluşyny patentledi. Bu barada CarBuzz neşiri habar berdi.
Adaty uçarlarda ganatlaryň ujunda emele gelýän towlanyp aýlanyş aerodinamiki garşylygy artdyrýar. Ganatlaryň özara birleşdirilen täze gurluşy bu kemçiligi aradan aýryp biler diýip, dörediji hasaplaýar.
Görnüşine görä, teklip edilýän wariant has täsirli aerodinamikany üpjün etmäge ukyply, bu bolsa uçary adaty modellerden has tygşytly edip biler. Gurluşda nazary taýdan dolandyrmagy aňsatlaşdyryp biljek adaty ýapyjylar hem ýok.
Häzirki wagtda diňe patent berlendigi we onuň ýanyna suratlaryň goşulandygy mälim. Taslama boýunça işjeň işlenýändigi tassyklanmady. Şeýle-de bolsa, çeşmäniň belleýşi ýaly, Koenigsegg geljekde taslama çynlakaý garamak kararyna geler.
