“Mançester Ýunaýted” futbol kluby täze stadionyň gurluşygyna taýýarlyk tapgyrynda kynçylyklar bilen ýüzbe-ýüz boldy.
The Guardian neşiriniň habar bermegine görä, işe başlamak üçin kluba häzirki “Old Trafford” stadionynyň gapdalyndaky ýer bölegini satyn almak gerek. Ýöne bu çägiň bir bölegini demirýol ýük terminaly eýeleýär. Çeşmäniň maglumatlaryna görä, terminala eýeçilik edýän Freightliner kompaniýasy bu ýeri 400 mln funt sterling bilen bahalandyrdy. Şol bir wagtyň özünde, klub bu ýer bölegine 40-50 mln funtdan ýokary baha bermeýär.
Klub täze meýdançanyň gurluşygyny 2030-njy ýyla çenli tamamlamagy meýilleşdirýär. Bar bolan maglumatlara görä, taslama maýa goýumlaryň umumy mukdary 4,2 mlrd funt sterling bolar.
