Düzüminde rus-ukrainaly oýunçylar bolan Team Spirit serbiýaly kibersport topary Counter-Strike 2 boýunça "IEM Cologne 2025" halkara ýaryşynyň ýeňijisi boldy. 3-nji awgustda Kýölnde ýerleşýän Lanxess Arena-da geçen finalda olar Germaniýanyň MOUZ toparynyň Ýewropa düzümine garşy ynamly ýeňiş gazandy – hasap 3:0.
Bu ýeňiş üçin Team Spirit topary $400 müň gazandy. Ikinji orny eýelän MOUZ topary bolsa $180 müň aldy.
Topar üç kartada yzygiderli ýeňiş gazandy:
- Mirage – 13:7
- Ancient – 13:11
- Nuke – 13:6
Ýaryşyň iň gowy oýunçysy diýlip toparyň 18 ýaşly rifleri Daniil "donk" Kryşkowets yglan edildi. HLTV.org sahypasynyň berýän maglumatyna görä, ol 13 kartanyň netijesinde ortaça 1,5 reýting görkezdi. Bu onuň karyýerasyndaky dokuzynjy MVP baýragy boldy. Munuň bilen ol meşhur oýunçy Nikola "NiKo" Kowaç bilen MVP sany boýunça deňleşdi, ýöne Daniil bu netijä has ir ýaşda ýetdi.
Ýaryşyň guramaçylary geljekki IEM Cologne ýaryşynyň 2026-njy ýylyň tomsunda geçiriljekdigini hem-de bu ýaryşyň Kýölnde geçiriljek dördünji meýjor boljakdygyny habar berdiler. Şol wagta çenli toparlar beýleki ýaryşlara taýýarlyk görerler. Hususan-da, indiki Counter-Strike 2 meýjor ýaryşy Budapeştde geçiriler. StarLadder Budapest Major 2025 24-nji noýabrdan 14-nji dekabra çenli dowam eder.
