Amerikaly aýdymçy Jastin Timberleýke Laýma keseli diagnozy goýuldy. Bu barada ol Instagram sahypasynda habar berdi diýip, Variety belleýär.
Sazanda konsertleri döwründe güýçli beden agyrysyny (newralgiýa), ýadawlygy we ýürek bulanmany başdan geçirendigini belledi.
“Meniň saglyk ýagdaýym gowy däldi we maňa “Laýma keseli” diagnozy goýuldy. Men muny siziň maňa gynanmagyňyz üçin aýdamok. Men sahnanyň aňyrsynda nähili zatlary başdan geçirendigimi düşündirmek isleýärin” – diýip, Timberleýk ýazdy.
Ol kesel sebäpli durmuşynyň ahlak we fiziki taýdan ýadadyjy bolandygyny, ýöne konsertleri ýatyrmazlyk kararyna gelendigini belledi, çünki çykyş etmekden alynýan duýgy stresden ýokarydy.
Tomus başlaly bäri Jastin Timberleýk ýedi ýurtda – Estoniýada, Polşada, Beýik Britaniýada, Lýuksemburgda, Awstriýada, Gruziýada we Azerbaýjanda konsert berdi. Köp tomaşaçylar aýdymçynyň gowşakdygyny, tansyň ýokdugyny, onuň gijä galýandygyny we konsertiň möhletinden ir tamamlanýandygyny görkezip, çykyşlary tankytlady.
