31-nji iýulda agşam birnäçe ýurtda Telegram ulanyjylary messenjeriň işlemeginde näsazlyklaryň ýüze çykandygyny habar berdiler. Muny Downdetector hyzmatynyň maglumatlary tassyklaýar.
Beýik Britaniýada, ABŞ-da, Germaniýada we beýleki ýurtlarda ulanyjylar serwere birikmekde we akkaunta girmeginde kynçylyk çekendiklerini belläp geçdiler. Käbir ýurtlarda bolsa ulanyjylar bildirişleriň gelmezligi, şeýle hem mobil goşundyda we web saýtda näsazlyklar barada şikaýat etdiler.
Bu global näsazlyk messenjeriň täze täzelenmesi bilen bir wagtda ýüze çykdy. 31-nji iýuldan başlap, Telegram-da ulanyjylar diňe abuna ýazylan kanallaryndan däl, eýsem, ähli açyk kanallardan neşir edilen maglumatlary global derejede gözlemek mümkinçiligine eýe boldular. Bu funksiýa diňe Premium abuna ýazylanlar üçin elýeterlidir.
Mundan başga-da, profil sahypasyndaky "istoriýalary" indi albomlara ýerleşdirip bolýar. Şeýle hem, işewür akkauntlar we mazmun döredijiler bu ýerde harytlary görkezmek ýa-da pleýlist düzmek mümkinçiliklerine eýe boldular.
