Iňlis dilindäki edebiýat boýunça Buker baýragyna dalaşgärleriň uzyn sanawy yglan edildi.
Dalaşgärleriň sanawy abraýly baýragyň resmi web sahypasynda çap edildi. Oňa 13 roman girdi:
- The Loneliness of Sonia and Sunny (“Soniýanyň we Sanniniň ýalňyzlygy”(“ Одиночество Сонии и Санни”)), Kiran Desai
- Audition (“Diňlemek” (“Прослушивание”)), Keti Kitamura
- Flashlight (“Elçyra” (“Фонарик”)), Sýuzan Çoý
- Flesh (“Syna” (“Плоть”)), Dewid Salai
- Misinterpretation (“Ýalňyş açyklama” (“Неправильное толкование”)), Lediýa Jogi
- Seascraper (“Deňiz gökdiräni” (“Морской небоскрёб”)), Benýamin Wud
- Endling (“Ýitip barýan görnüş”(“”)) Mariýa Rewa
- The Land in Winter (“Ýer gyşda " (“Земля зимой”)) Endrýu Miller
- The Rest of Our Lives (“Galan ömrümiz” (“Остаток нашей жизни”)) Benjamin Markos
- One Boat (“Bir gaýyk” (“Одна лодка”)) Jonatan Bakli
- Universality (“Uniwersallyk” (“Универсальность”)) Nataşa Braun
- The South (“Günorta” ("Юг ") Taşa Ouwa
- Love Forms (“Söýginiň şekilleri ” (“Формы любви”)) Kler Adam
Bu ýylky emin agzalaryna ýazyjy we dramaturg Roddi Doýl ýolbaşçylyk etdi. Şeýle-de eminler toparyna aktrisa Sara Jessika Parker, ýazyjy Aýobami Adebaýo, romançy ýazyjy Kaýli Rid we kyssaçy ýazyjy Kris Pauer girdi.
Alty kitapdan ybarat gysga sanaw ilkinji gezek 2025-nji ýylyň 23-nji sentýabrynda Londonyň Sautbenk merkeziniň Şa festiwal zalynda geçiriljek köpçülikleýin çärede yglan ediler. Ýeňiji 10-njy noýabrda Londonda geçiriljek dabarada yglan ediler. Awtor 50 000 funt sterling möçberinde baýrak alar.
2024-nji ýylda Buker baýragyny iňlis ýazyjysy Samanta Harwin astronawtlar hakyndaky “Orbita” romany üçin aldy. Emin agzalary biragyzdan onuň kitabyny ýeňiji hökmünde saýladylar. Harwi bu baýragy “Ýere garşy däl-de, Ýer üçin, beýleki adamlaryň mertebesine, başga durmuşa garşy däl-de, ony sarpalaýanlar üçin we parahatçylygyň hatyrasyna işleýän adamlara” bagyşlady.
