Samsung Galaxy Z Fold7 smartfony JerryRigEverything lakamy bilen belli bolan YouTube blogeri Zak Nelson tarapyndan geçirilen synagda ýokary berkligi görkezdi.
Sypjyryklara çydamlylyk birneme gowşak boldy: daşky ekranda çyzyk yzlary Moos şkalasy boýunça 6-njy derejede peýda boldy, çeýe içki displeýiň gorag plýonkasy bolsa eýýäm gatylygy 2 bolan guralyň täsirinde çyzyldy. Şeýlelikde, esasy matrisa hatda dyrnagyň bilen hem zeper ýetirip boljak eken.
Gurluşyň korpusy alýuminden ýasaldy. Ol berk bolsa-da, ýiti predmetlere garşy durup bilmedi: sesi sazlaýyş düwmesi kanselýariýa pyçagynyň täsirinden soň ýerinden gaçdy. Şol bir wagtyň özünde, obýektiwleriň gorag örtügine zeper ýetmedi.
Şeýle-de, bloger gurluşyň tozana we çägä çydamlylygyny barlady. Smartfonyň IP48 goragyna (1 mm-den uly bölejiklerden gorag) eýedigine garamazdan, şarnir arassalygyna galdy – smartfony açanyňda we ýapanyňda jygyldy peýda bolmady.
Otly synag daşky ekranyň matrisada gara tegmil peýda bolýança 15 sekunt, içki ekranyň bolsa 10 sekunt oda çydaýandygyny görkezdi.
Bloger soňky döwmek synagynyň netijesine haýran galdy – smartfony ne ýygnalan görnüşde, ne açylan görnüşde döwmek başartdy, şarnir bolsa ters tarapa egreldeniňde-de bitin galdy.
