LEGO 1989-njy ýyldaky Nintendo Game Boy oýun pristawkasynyň görnüşinde ýygnalýan täze düzüt toplumyny hödürledi. Ol daniýaly oýnawaç öndürijisiniň Ýaponiýanyň Nintendo wideooýun döredijisi bilen hyzmatdaşlygynyň netijesi boldy. Hyzmatdaşlyk barada şu ýylyň ýanwarynda yglan edildi.
Toplum 421 bölekden ybarat bolup, hakyky pristawkanyň ölçegini hem daşky görnüşini gaýtalaýar. Oňa hakyky ýaly basylýan düwmeler, kartrijler we animasiýa effektli ekran girýär. Toplumyň böleklerinde ýelmentgi ulanylmady – ähli suratlar göni bölekleriň ýüzüne basyldy.
Topluma Super Mario Land we Link’s Awakening oýunlary bilen iki (hakyky däl) kartrij girýär. Olary konsola oturtmak bolýar: syn ediş burçy üýtgän ýagdaýynda ekranda oýun prosesiniň janlandyrylan effekti döreýär.
#72046 belgili LEGO toplumy heniz bölek satuwa çykmady, ýöne 60 dollardan deslapky sargyt üçin elýeterli. Ilkinji üpjünçiligiň 2025-nji ýylyň 1-nji oktýabrynda bolmagyna garaşylýar.
LEGO belli oýun brendleri bilen hyzmatdaşlykda şeýle ýygnalýan toplumlary yzygiderli çykarýar. Mysal üçin, öň Fortnite we arkad maşynlary bilen bagly toplumlar çykarylypdy.
