1973-nji ýylda Italiýanyň Belluno şäherindäki muzeýden ogurlanan Antonio Solarionyň XVI asyra degişli "Eli bäbekli Madonna" kartinasy kanuny eýesine gaýtarylar. Bu barada The Guardian gazeti habar berýär.
Kartina Beýik Britaniýanyň ýaşaýjysy Barbara de Dožiniň mülkünde bolup, ony adamsy ogurlyk bolan ýyly edinen eken. 2017-nji ýylda ol kartinany auksiona çykarmaga synanyşypdyr. Hut şonda hünärmenler ony Solarionyň eseri diýip tanapdyrlar. Emma COVID-19 pandemiýasy sebäpli Italiýanyň hökümeti iňlis polisiýasyna eýeçiligi tassyklaýan resminamalary wagtynda berip bilmändir. 2020-nji ýylda eser öňki eýesine gaýtaryldy.
Barbara de Doža, adamsynyň kartinany kanuny esasda satyn alandygyny tassyklap, ony sekiz ýyllap bermekden ýüz öwürdi. Britaniýanyň Könelişen arzalar hakyndaky kanunyna laýyklykda, eger eýesi ogurlanan zady alty ýyldan gowrak saklan bolsa, onda ol zadyň kanuny eýesi diýlip yglan edilip bilner.
Art Recovery International guramasynyň başlygy Kristofer Marinello ýaly hünärmenleriň delilleri zenany yrmaga kömek etdi. Ondan öň ol Matissyň 1987-nji ýylda ogurlanan kartinasyny Şwesiýa gaýtaryp bermäge kömek edipdi.
