Argentinada geçirilen Turismo Pista ýaryşynda dört sürüji 0,042 sekuntdan hem az aratapawut bilen pellehanadan geçdi. Ýeňijini diňe fotofiniş netijesinde kesgitlemek başartdy diýip, La Dereсha Diario neşiri ýazýar. Ýeňşi iň ýakyn bäsdeşinden bary-ýogy 0,029 sekunt öňürden Chevrolet Onix-li Agustin Kanapino gazandy.
Resmi teleýaýlymyň habaryna görä, ýeňiş ugrundaky göreş iň soňky aýlawa çenli dowam etdi. Ýaryşda ýeňiji bolan Kanapinonyň soň gürrüň bermegine görä, soňky aýlawa girenlerinde ol ýeňişden umydyny üzüpdi, emma şonda-da ol emele egelen pursaty elden bermezlik kararyna gelipdir.
Ol Toyota Etios-ly Týago Martinesden 0,029 sekunt, Renault Clio-ly Hoakin Kafarodan 0,038 sekunt, Toyota Etios-ly Herman Todinodan 0,041 sekunt artykmaçlyk bilen üstün çykdy.
Ýaryş hepdäniň ahyrynda Buenos-Aýresde geçirilen La carrera de los 300 pilot (“300 sürüjiniň ýaryşy”) awtoulag sportunyň çäklerinde 3-nji synpda geçirildi.
