Argentinada raýatlardan zyýanly täsirler barada gelen arzalardan soň Colgate Total Active Prevention Clean Mint diş pastasyny ulanmak, ýaýratmak we mahabatlandyrmak gadagan edildi. Bu barada Derman serişdeleriniň, azyk önümleriniň we lukmançylyk tehnologiýalarynyň hiline gözegçilik milli edarasy (ANMAT) habar berdi.
Argentinanyň hökümet saýtynda ýerleşdirilen maglumatlara görä, bu pastanyň ulanylmagy netijesinde zyýanly täsirleriň 19 ýagdaýy hasaba alyndy. Adamlar agyz boşlugynyň azmagy we çişmegi, gabarçyklaryň, ýaralaryň, awuşatmanyň, çişleriň we agyrylaryň peýda bolandygy barada habar berdi.
ANMAT şeýle ýagdaýlara gözegçilik etmegini dowam etdirýär we ilaty pasta ulanylandan soň ýüze çykýan islendik oňaýsyz ýagdaý barada habar bermäge çagyrýar.
Ýatlap geçsek, mart aýynda Braziliýada hem bu pastanyň satuwy gadagan edildi. Bu ýerde bir ýylyň içinde 11 müňden gowrak nägilelik hasaba alyndy. Öndüriji ilkibaşda şikaýat arzasyny berdi, ýöne ahyrynda ony yzyna gaýtardy, şondan soň haryt Braziliýanyň bazaryndan gutarnykly aýryldy.
