Coca-Cola 2025-nji ýylyň ikinji çärýegi üçin maliýe netijeleri bilen paýlaşdy. Hödürlenen hasabata görä, kompaniýanyň arassa girdejisi 3,8 mlrd dollar boldy, bu geçen ýylyň degişli döwri bilen deňeşdirilende, 58% ýokarydyr. Girdeji 1%, 12,6 mlrd dollara çenli artyp, analitikleriň 12,5 mlrd dollar çaklamasyndan ýokary boldy.
Kompaniýa ikinji çärýekde Merkezi Aziýada, Hytaýda we Argentinada satuwyň ýokarlanandygyny habar berdi. Şol bir wagtyň özünde, Meksikada, Hindistanda we Tailandda satuw pese gaçdy.
Coca-Cola içgisiniň umumy global satuwy Latyn Amerikasynda islegiň pese gaçmagy sebäpli 1% azaldy. Ýöne Ýewropadaky, Afrikadaky we Ýakyn Gündogardaky ösüş munuň bölekleýin öwezini doldy. Coca-Cola Zero-nyň satuwy ähli sebitlerde 14% ýokarlandy.
Beýleki gazlandyrylan içgileriň satuwy, esasan, Aziýa-Ýuwaş umman sebitindäki pese gaçyş sebäpli 2% azaldy. Çüýşeli suwlaryň satuwy geçen ýylky derejesinde galdy, sport içgileriniňki 3% azaldy. Kofe esasly içgileriň satuwy 1% ýokarlandy.
