Madridiň “Realynyň” hüjümçisi Kilian Mbappe täze möwsümde 10-njy belgi bilen çykyş eder diýip, L'Équipe habar berýär. Bu ozal bu belgini göteren horwatiýaly ýarymgoragçy Luka Modriç klubdan gidenden soň bolup geçdi.
Neşiriň maglumatlaryna görä, oýunça 10-njy belgini bermek çözgüdi “Realyň” ýolbaşçylygyna degişli. Mbappeniň özi bu barada soramady, ýöne habary oňyn kabul etdi.
Klub bu pikiri heniz 2024-nji ýylyň tomsunda, fransiýaly hüjümçi topara gowşulan wagty gözden geçiripdi. Geçen möwsümde Mbappe dokuzynjy belgide çykyş etdi.
Çeşme belgini üýtgetmek bilen, klubuň Mbappe ady bolan köýnekçeleriň satuwyny ýokarlandyrmaga bil baglaýandygyny belleýär.
