OpenAI-iň synag emeli aň modeli Halkara matematika olimpiadasynda (IMO) 42 baldan 35 bal gazandy, bu bolsa altyn medalyň netijesine laýyk gelýär. Bu barada kompaniýada habar berildi.
EA dünýäniň iň abraýly matematika ýaryşlarynyň birinde şeýle derejäni ilkinji gezek görkezýär. OpenAI-iň ylmy gözlegçisi Aleksandr Weýiň X platformasynda belleýşi ýaly, model, adatça, diňe bir algebradan we seljermeden baş çykarmagy däl-de, eýsem ýokary döredijiligi we logikany hem talap edýän 6 meseleden 5-isini çözdi. Deňeşdirmek üçin: 2025-nji ýylda altyn medaly 630 gatnaşyjydan diňe 67 sanysy aldy.
OpenAI EA-nyň, adatça, gündelik işlerden gowy baş çykarýandygyny, ýöne döredijilik işleri bilen gowşak işleýändigini belledi. Ýöne bu gezek model adamyňky bilen deňleşjek logiki pikirlenmek ukybyny görkezdi.
Üstünlige garamazdan, EA-nyň bu wersiýasyna elýeterlilik açylmaz. OpenAI-iň baş direktory Sem Altmanyň aýtmagyna görä, “şeýle pikir ýöretme derejesi ýene birnäçe aý elýeterli bolmaz”. Bu hatda indiki GPT-5 modelinde-de bu başarnygyň, ähtimal, bolmajakdygyny aňladýar.
