Madridiň “Realy” 2024-2025 maliýe ýyly üçin netijeleri barada hasabat berdi. Resmi metbugat relizine görä, transferleri hasaba almazdan klubuň girdejisi rekord 1,185 mlrd ýewro ýetdi. Bu geçen ýylyň degişli döwri bilen deňeşdirilende 10% köpdür.
Ýeri gelende belläp geçsek, ozal futbol toparlarynyň hiç birine 1 mlrd ýewrodan geçmek başartmandy.
Madrid klubunyň arassa girdejisi 24,3 mln ýewro boldy, bu bolsa geçen ýyldakydan 56% köpdür. EBITDA görkezijisi (göterimlerden, salgytlardan we amortizasiýadan öňki girdeji) klub üçin rekord 242,9 mln ýewro boldy.
2025-nji ýylyň 30-njy iýunyna çenli ýagdaýa görä, klubuň öz kapitaly 598 mln ýewro diýlip hasaplanýar. Karz koeffisiýenti nola deň, bu hem klubuň maliýe durnuklylygynyň ýokarydygyny tassyklaýar.
Stadionyň durkuny täzelemek üçin karzlary hasaba almazdan, arassa karz 12 mln ýewro boldy. Karzlar boýunça üzülmedik galyndy 1,132 mlrd ýewro barabar.
