BTS K-pop topary “Permission to Dance On Stage” ady bilen özüniň ilkinji konsert albomyny çykardy. Ol 2021-2022-nji ýyllarda koreý toparynyň dünýä boýunça konsert syýahatynyň dowamynda ýazylan 22 aýdymy öz içine alýar.
Alboma “Dynamite”, “Butter” we “Life Goes on” ýaly meşhur aýdymlaryň janly wersiýalary girdi.
Reliz BTS-iň ähli agzalary harby gullukdan gaýdyp gelenden soň, toparyň ilkinji uly taslamasy boldy. Sazandalaryň ýedisi-de Günorta Koreýada hökmany harby gullugyny geçmek üçin 2022-nji ýylda karýerasyny togtatdy. Ilkinji bolup harby gullukdan 2024-nji ýylyň iýunynda Jin, soňra oktýabrda Jeý-Houp haýdyp geldi. 2025-nji ýylyň iýunynda bolsa Wi, RM, Şuga, Çimin we Çonguk gulluk borçlaryny tamamlady.
“Permission to Dance On Stage” albomy BTS-iň aýdym-saz işjeňligine gaýdyp gelendigini aňladýar.
