Mersedes-Benz kompaniýasy Microsoft Teams-iň üsti bilen awtoulagy togtatmazdan, wideo jaňlary etmäge mümkinçilik berýän funksiýanyň girizilendigini habar berdi. Bu täzelik nemes awtoulag öndürijisini ulag hereketdekä wideo jaňlary etmek üçin oturdylan kamera bilen ilkinji bolup üpjün edýän öndürijä öwürýär.
Täze mümkinçilik ilki bilen MB.OS operasiýa ulgamynda CLA modelinde peýda bolar, şondan soň brendiň beýleki ulaglaryna hem geçer.
Wideo jaňlar wagtynda howpsuzlygy üpjün etmek üçin sürüjä diňe öz suratyny ýaýratmaga rugsat berilýär. Tanyşdyryşlary, ekranlary we beýleki wizual materiallary görmek petiklener. Emma, wideo çagyryşa gatnaşyjylar sürüjini we awtoulagyň içini görüp bilerler.
Şeýle hem Mercedes-Benz Microsoft bilen bilelikde Microsoft 365 Copilot ofis kömekçisini birleşdirmegiň üstünde işleýär. Ulanyjylar sesi bilen wezipeleri dolandyryp, elektron hatlaryň gysgaça maglumatyny döredip we senenama bilen işläp bilerler. Kompaniýa awtoulagy “üçünji iş meýdanyna” öwürmegi göz öňünde tutýar.
