Sazanda we Louis Vuitton-yň erkekler hatarynyň direktory Farrell Uilýams Fransiýanyň iň ýokary baýragyny – Hormatly legion ordenini aldy. Bu barada ýurduň hökümetiniň resmi saýtynda habar berilýär.
2023-nji ýylda aýdymçy, prodýuser we telekeçi iň uly fransuz moda öýleriniň birinde erkekler hatarynyň döredijilik direktory wezipesine bellendi. Şondan soň ol aýaly we dört çagasy bilen bilelikde Pariže göçdi.
Baýragyň gowşurylyş dabarasy Bastiliýanyň eýelenen güni geçirildi. Şol gün jemi 588 adam – sungat, ylym, medeniýet we jemgyýetçilik başlangyçlarynyň wekilleri ordeniň kawalerleri boldy.
Baýrak alanlaryň arasynda fransuz jemgyýetinde uly gopgun döreden kazyýet işine gatnaşan Žizel Peliko hem bar.
Hormatly legion ordeni 1802-nji ýylda Napoleon I tarapyndan esaslandyryldy we Fransiýa Respublikasynyň öňündäki aýratyn hyzmatlar üçin berilýär.
