2023-nji ýylda Kaliforniýanyň elektrik energiýasyna zerurlyklarynyň 67%-i arassa energiýanyň hasabyna üpjün edildi. Bu öňdebaryjy dünýä ykdysadyýetleriniň arasynda rekord görkezijidir. Ştatyň gubernatory Gewin Nýusom Kaliforniýanyň federal häkimiýetleriň hereketlerine garamazdan ýaşyl energetikany ösdürmegi dowam etdirjekdigini aýtdy.
Arassa energetika indi diňe bir Gün, ýel, geotermal we gidroenergetikany däl, eýsem atom energetikasyny we biomassalary gaýtadan işleýän stansiýalary hem öz içine alýar. 2013-nji ýylda ştatda ýaşyl energiýanyň paýy 41%-e, 2022-nji ýylda 61%-e barabardy, 2023-nji ýylda bolsa 67%-e ýetdi.
Geçen ýyl ştatyň energiýa ulgamyna 7 GWt goşmaça kuwwat goşuldy, bu bolsa Kaliforniýanyň taryhynda iň uly ýyllyk ösüş boldy. 2019-njy ýyldan bäri 25 GWt arassa energiýa goşuldy. 2045-nji ýyla çenli ştatyň 148 GWt arassa energiýa çykmagyna garaşylýar.
2023-nji ýylda Gün we ýel stansiýalarynyň paýy 43%, uly gidroelektrostansiýalaryňky 12%, atom stansiýalarynyňky 12% boldy. Gün elektrostansiýalarynyň kuwwaty 21 GWt ýetdi, goşmaça 19 GWt ýylylyk stansiýalarynyň paýyna düşýär. Akkumulýatorlaryň kuwwaty 15 GWt-dan gowrak boldy, bu 2019-njy ýyldaky görkezijiden 1944% ýokarydyr.
Häkimiýetleriň maglumatlaryna görä, Kaliforniýada bug gazlarynyň zyňyndylary 2000-nji ýyldan bäri 20% azaldy. JIÖ 78% ösdi.
Şu ýyl Kaliforniýada ortaça 10 günden 9 gün azyndan birnäçe sagat arassa energiýa bilen üpjün edildi. 2025-nji ýylda Kaliforniýanyň energetika ulgamy günde ortaça 7 sagat 100% arassa elektrik energiýasynda işlär.
