Madridiň «Realy» oýun eşiklerinde mahabaty ýerleşdirmekden gazanýan girdejisi boýunça dünýäniň futbol klublarynyň arasynda birinji orny eýeleýär. Bu barada Ispaniýanyň Marca gazeti habar berýär.
Neşiriň maglumatyna görä, klub şeýle mahabatdan bir möwsümde €260 million girdeji alýar: €120 million – forma üpjün edýän kompaniýadan, €70 million – ady gursagyna ýazylýan baş hemaýatkäri tarapyndan we ýene €70 million – futbolkaň ýeňinde ýerleşdirilýän logotipler üçin.
Ilkinji üçlüge Angliýanyň «Mançester Siti» (€210,5 million: 115+74+21,5) we «Mançester Ýunaýted» (€200 million: 105+70+25) klublary girdiler.
Reýtingde ilkinji 10 orny eýelän beýleki toparlar:
4. «Barselona» — €183 million (105+70+80);
5. «Pari Sen-Žermen» — €170 million (90+70+10);
6. «Arsenal» — €141,5 million (71+58,5+12);
7. «Bawariýa» — €122 million (60+50+12);
8. «Liwerpul» — €102,5 million (58,5+35+9);
9. «Borussiýa» — €99 million (40+34+25);
10. «Tottenhem» — €80 million (45+35).
