Şwesiýaly futbolçy Zlatan Ibragimowiç EA Sports FC 26 futbol simulýatorynyň mahabat kampaniýasynyň esasy gahrymany boldy. Onuň suraty oýnuň treýleriniň we ultimatiw nusgasynyň (bonuslar bilen oýnuň giňeldilen görnüşi) daşynda peýda boldy.
Taslama 16-njy iýulda Aşgabat wagty bilen 21:00-da görkeziler. EA eýýäm wideo tanyşdyrylyşyndan surat hödürledi, onda Ibragimowiç täze bölümiň esasy ýüzleriniň biri hökmünde görkezilýär.
Futbolçy özüniň bu taslama gatnaşmagyna sosial ulgamlarda teswir berdi.
“Zlatansyz FC doly däldir. Men gaýdyp geldim” – diýip, ol ýazdy.
Ozal FIFA 21 döwründe Ibragimowiçiň oýunda onuň ýüz keşbiniň ulanylmagy baradaky mesele boýunça EA Sports bilen dawasy boldy. Şol wagt ol kompaniýanyň degişli hukuklary nireden alandygy baradaky sorag bilen ýüzlendi. Öz gezeginde, EA oýna goşulan ähli futbolçylaryň daşky keşbini gaýtadan döretmäge ygtyýarnamalarynyň bardygyny aýtdy. Ibragimowiçiň EA Sports FC 26-da peýda bolmagy taraplaryň ylalaşyga gelendigini aňladyp biler.
Oýnuň sentýabryň ahyrynda çykmagyna garaşylýar.
