YouTube 2015-nji ýyldan bäri hereket eden “Trendde” sahypasynyň we “Häzir trendde” sanawynyň ýapylýandygyny habar berdi. Olaryň deregine platforma tematiki çartlary işe girizer, olarda kontent aýdym-saz wideolary, podkastlar we kinotreýlerler ýaly kategoriýalar boýunça bölner.
Kompaniýa bu çözgüdiň meşhur wideolary tapmak usullarynyň üýtgemegi bilen baglanyşyklydygyny düşündirýär. Ozal wideo “Trendde” bölümine düşmegi netijesinde millionlarça tomaşa gazanyp, giňden ýaýran bolsa, indi ulanyjylar has gyzykly wideolary, esasan, maslahat berilýänleriň, gözlegiň we pikir alyşmalaryň üsti bilen tapýar. Şol sebäpli “Trendde” sahypasyna gyzyklanma pese gaçyp başlady. YouTube-yň maglumatlaryna görä, soňky bäş ýylda “Trendde” sahypasyna giriş yzygiderli peseldi.
Umumy sanawyň deregine ulanyjylara şahsylaşdyrylan wideolar teklip edilmegini dowam etdirer. Şeýle-de, meşhur kontent bilen “Öwrenmek” menýusy, ýazylyşyk we awtorlaryň kanallary arkaly tanşyp bolar.
YouTube awtorlary goldamagyny dowam etdirjekdigini belledi. YouTube Studio-da “Ylham” bölüminde kanallary ösdürmek üçin ideýalar saklanar. Şeýle-de, täze gurallar, şol sanda Hype funksiýasy işlenip taýýarlanýar. Onuň kömegi bilen tomaşaçylar halan wideolaryny “mahabatlandyryp” biler. Platforma öz resmi kanalynda we sosial ulgamlarda awtorlara kömek etmek isleýär.
