YouTube EA tarapyndan döredilen kontentiň üsti bilen gazanç etmegi çäklendirer

  • 11.07.2025 19:17
  • 2.1k+

15-nji iýuldan YouTube emeli aňyň kömegi bilen döredilýän kontentden girdeji gazanmak mümkinçiligini çäklendirmek üçin hyzmatdaşlyk programmasynyň düzgünlerini täzelär. Bu barada kompaniýanyň resminamalaryna salgylanyp, TechCrunch neşiri ýazýar.

Platforma YouTube Partner Program-yň düzgünlerine aýdyňlaşdyrma girizip, haýsy kontentiň girdeji gazanmak (monetizasiýa) üçin laýykdygyny, haýsynyň däldigini düşündirmek isleýär. YouTube-yň habar merkeziniň resminamasynda programma gatnaşyjylaryň özboluşly we hakyky materiallary ýerleşdirmelidigi görkezilýär. Täzelenen düzgünler haýsy wideolaryň “hakyky däl” hasaplanýandygyny anyk kesgitlär.
YouTube-yň redaksion syýasat we awtorlar bilen işlemek boýunça ýolbaşçysy Rene Ritçiniň aýtmagyna görä, üýtgeşmeler täze çäklendirmeleri girizmeýär-de, diňe häzirki düzgünleri anyklaşdyrýar. Ol başga wideolardan kesilip ýasalan kontentiň we başga wideolara reaksiýalaryň öňden bäri monetizasiýa degişli däldigini, çünki ulanyjylaryň olary, köplenç, spam hökmünde kabul edýändigini belledi.
Generatiw EA gurallarynyň ösmegi köpçülikleýin wideo önümçiligini aňsatlaşdyrdy, bu hem pes hilli kontentleriň köpelmegine getirdi. Ulanyjylar sintezirlenen sesler, awtomatik aýdym-saz we feýk wakalar bilen wideolary, şol sanda ýörgünli wakalar barada galp wideolary döredýär.
YouTube şeýle materiallary monetizasiýa programmasyndan aýyrmak we platforma bolan gyzyklanmany goramak üçin has aç-açan düzgünleri kesgitlemäge çalyşýar.


27.08.2025 11:12
6.3k+

Mask iPhone-a ChatGPT-niň goşulmagy sebäpli Apple bilen OpenAI-i kazyýete berdi

Milliarder Ilon Maskyň X we xAI kompaniýalary Apple we OpenAI (ChatGPT çat-botuny dörediji) kompaniýalaryna garşy şikaýat arzasy bilen Tehasdaky kazyýete ýüz tutdy. Bu barada 25-nji awgustda Bloomberg agentligi habar berdi...

26.08.2025 14:37
4.1k+

Google-yň aýtmagyna görä, Gemini her soraga jogap bermek üçin bary-ýogy 5 damja suw sarp edýär. Hakykatdan hem şeýlemikä?

Google kompaniýasy Gemini emeli aňynyň daşky gurşawa ýetirýän täsiri barada öz barlagyny çap etdi. Kompaniýa netijeliligiň ýokarlanmagy bilen häzirki modeliň ortaça 0,24 watt sagat elektrik energiýasyny (telewizoryň dokuz sekuntlap işlemegine deň) we bir tekst soragy üçin takmynan 0,26 millilitr suw (bäş damja) sarp edýändigini tassyklaýar...

23.08.2025 18:35
3.3k+

Weýmarda ChatGPT-niň pýesasy boýunça “FaustX” spektakly görkezildi

Nemes şahyry Iogann Wolfgang fon Gýoteniň ýaşan we işlän ýeri bolan Germaniýanyň Weýmar şäherindäki sungat festiwalynda “FaustX” spektaklynyň premýerasy boldy. Ol günorta afrikaly režissýor Brett Beýli we onuň garaşsyz teatry Third World Bunfight tarapyndan sahnalaşdyryldy...

22.08.2025 18:51
6.5k+

Forbes: Ilon Maskyň Grok çat-boty ulanyjylar bilen ýüzlerçe müň söhbetdeşligi internete ýaýratdy

Ilon Maskyň xAI kompaniýasy tötänleýin ýüzlerçe müň ulanyjynyň Grok çat-boty bilen ýazyşan söhbetlerini açyk elýeterlilige hödürledi. Köp ulanyjylar öz söhbetdeşliginiň köpçülige ýaýrap biljekdigini bilmeýärdi diýip, Forbes žurnaly habar berdi...