Germaniýanyň Keyvany awtobezeg ussahanasy täzelenen «Rolls-Royce Cullinan Series II Black Badge» modeli esasynda «Hayula II-niň» ekstremal wersiýasyny taýýarlady. Awtoulag agressiw aerodinamik obwes bilen enjamlaşdyryldy.
Esasy aýratynlyklaryň arasynda çal reňkli goýmalary bilen ulaldylan radiator gözenegi, galp howalandyryş elementleri, uly teker arkasy giňeltmeleri we narynç aksentli aerodetallar bar. Şeýle-de inedördül görnüşli jübüt tüsse çykaryjy turbalar, «ganatly» LED yşyk zolagy, radiator gözeneginde üç sany deşik we Formula-1 bolidleriniň äheňinde diffuzor bilen üpjün edilen. Şeýle-de yzky uly spoýleri ulagyň daşky keşbini jemleýär.
Awtoulagyň salony görkezilmedi. Bu týuningiň Exotic Cars Dubai dileri üçin taýýarlanylandygy habar berilýär. Munuň özi içki bezegde hem üýtgeşmeleriň bolup biljekdigini aňladýar, emma bu maglumat resmi taýdan tassyklanmady.
Tehniki tarapda üýtgeşme ýok – ulag öňküsi ýaly 6,75 litrlik V12 benzinli hereketlendiriji bilen enjamlaşdyrylyp, ýolsuz ýerler üçin niýetlen iň meşhur premium awtoulaglaryň biri bolmagynda galýar.
Model esasan-da radikal daşky týuningi söýüjiler üçin niýetlenendir.
