Xiaomi dünýä bazarynda Günden goraýan äýnekleriň we açyk görnüşli Bluetooth-gulaklyklaryň funksiýalaryny birleşdirýän Smart Audio Glass-y satyp başlady diýip, Gizmochina habar berýär.
Model ýaňy basyş we ses zolagyny emele getiriş algoritmli SLS0820 ultrases dinamikleri bilen enjamlaşdyrylandyr, bu sesiň daşyna çykmazlygyny üpjün edýär. Tehnologiýa "baý, çuň basy" hem, "arassa ýokary ýygylyklary" hem üpjün edýär. Şol bir wagtyň özünde ulanyjy daşarky sesleri hem eşitmegini dowam edýär.
Äýnekleriň çarçuwasy berk plastmassadan ýasalan. Enjamyň agramy 40 gram. Dužkalarynyň ergonomiki şekili we sazlanyp bilinýän burun ýassygy uzak wagtlap dakmak üçin niýetlenendir. Dužkasyndaky sensor paneli aýdym-saz diňlemäge we jaňlara jogap bermäge mümkinçilik berýär. Äýnek çykarylan wagtynda gurlan datçikleriň kömegi bilen saz awtomatiki ýagdaýda ýaňlanmasyny goýýar.
Garaşma tertibinde enjam zarýad berilmesiz - 11 güne çenli, ses diňlenende bolsa 10 sagada çenli işleýär. Zarýad bermek magnitli Pogo Pin enjamy arkaly amala aşyrylýar.
Aýnalar çyglylykdan we tozandan goramak boýunça IP54 ülňüsine laýyk gelýär, bu bolsa ony islendik howada ulanmaga mümkinçilik berýär. Enjamyň bahasy 86,54 dollar.
