Aýdymçy Bob Dilan öz çeken suratlary bilen kitap çykarar

  • 05.07.2025 18:38
  • 3.3k+

18-nji noýabrda Simon & Schuster neşirýaty amerikaly sazanda, şahyr we ýazyjy Bob Dilanyň Point Blank (Quick Studies) ady bilen kitap-albomyny çykarar.

Kommersant neşiriniň habar bermegine görä, neşire sazanda tarapyndan 2021-2022-nji ýyllarda döredilen 100-e golaý gara-ak suratlar girer. Ilkibaşda bu suratlar has uly suratlar üçin eskiz hökmünde göz öňünde tutulypdy.
Suratlaryň arasynda portretler, natýurmortlar, şäher peýzažlary we gündelik sahnalar bar. Hususan-da, kitapda rolikli aşyk-magşugy we karaoke aýdýan erkek adamy görmek bolýar.
Dilan surat çekmek bilen eýýäm köp ýyl bäri meşgullanýar. Onuň işleri Self Portrait we Planet Waves albomlarynyň daşynda peýda boldy. 2007-nji ýylda ol Drawn Blank ady bilen ilkinji sergisini geçirdi.
Kitap Chronicles: Volume One ýatlamalarynyň audio görnüşi bilen ugurdaş çykar. Ony aktýor Şon Penn seslendirer.
Bob Dilan soňky 60 ýylda pop-medeniýetde esasy şahsyýetleriň biri hasaplanýar. Ol 2016-njy ýylda edebiýat boýunça Nobel baýragynyň eýesi boldy. 2022-nji ýylda Sony Music kompaniýasy onuň ähli ýazgylary, şol sanda geljekki relizleri üçin hukuk satyn aldy. Şertnamanyň bahasy aýdylmaýar.

şu gün 13:57
174

“Kalmar oýny” Netflix-e çärýek girdejisi boýunça rekord goýmaga kömek etdi

2025-nji ýylyň ikinji çärýeginiň jemi boýunça Netflix akym hyzmaty üçin rekord 11,08 mlrd dollar girdeji barada hasabat berdi. Bu geçen ýylyň degişli döwründäkiden 16% köpdür. Netijä, esasan, hyzmatyň iň meşhur iňlis dilli däl taslamasy bolan “Kalmar oýnunyň” ahyrky möwsüminiň çykmagy täsir etdi...

şu gün 13:55
162

“Ýyldyz söweşlerinden” Dart Weýderiň lazer gylyjy auksiona çykarylar

“Ýyldyz söweşleri: Imperiýa jogap urgusyny berýär” (Звездные войны: Империя наносит ответный удар) we “Jedaýyň gaýdyp gelmegi” (Возвращение джедая) filmlerinde ulanylan Dart Weýderiň şöhle gylyjy Los-Anjelesde auksiona çykarylar...

şu gün 13:42
253

Netflix filmlerinde we seriallarynda käbir sahnalary emeli aň arkaly döredýär

Netflix filmleriň we seriallaryň önümçiliginde generatiw emeli aňdan peýdalanyp başlady. Munuň ilkinji mysaly Argentinanyň “Eternawt” (El Eternauta) ylmy-fantastiki serialy boldy. Onuň ahyrky kadrlary doly derejede neýroulgam tarapyndan döredildi...

şu gün 13:36
411

Indiana Jonsuň gamçysy auksionda ýarym million dollara satyldy

Heritage Auctions auksionynda “Indiana Jons we soňky haçly ýöriş” (Индиана Джонс и последний крестовый поход) filmindäki gamçy 525 müň dollara satyldy. Bu barada Associated Press agentligi habar berdi. “Gamçy – kino taryhynda rowaýaty gahrymanyň, Indiana Jonsuň belli nyşanydyr we ol bu auksionyň esasy wakasyna öwrüldi” – diýip, Heritage Auctions-yň ýerine ýetiriji wise-prezidenti Jo Maddalena belledi...