Volkswagen ýolagçy howpsuzlyk ýassygy ulgamyndaky kemçilik sebäpli dünýäde 16 510 ulagy yzyna çagyrmaklyga girişdi. Kompaniýada kemçiligiň gaz generatory bilen baglanyşyklydygyny, onuň çaknyşyk wagtynda zerur goragy üpjün edip bilmejekdigini habar berdiler. Mundan başga-da, enjamyň korpusynyň ýarylmagy we ownuk bölekleriniň uçmagy töwekgelçiligi bar, bu agyr şikeslere sebäp bolup biler.
Yza çagyryş brendiň birnäçe modelini: Polo, Taigo, Passat, ID.7, ID.7 Tourer, şeýle hem ID. Buzz elektrik mikroawtobusy ýaly modellerini öz içine alýar. Volkswagen bu awtoulaglaryň eýelerine ýazan hatynda kemçilik düzedilýänçä öňdäki ýolagçy oturgyjyny ulanmazlygy maslahat berýär.
Import ediji kemçiligiň ozal bütin dünýäde uly yza çagyryşlara sebäp bolan Takatanyň öndüren howa ýassyklary bilen baglanyşykly däldigini düşündirdi.
Markanyň flagman awtoulaglarynyň hataryna girýän ID.7-ä we ID. Buzz-a aýratyn üns berilýär. Şu nukdaýnazardan bu awtoulaglary barlamak we abatlamak ileri tutulýan ugur hasaplanýar.
