YouTube gözlegiň netijelerine AI-niň döreden gysgaça mazmunyny goşýan täze funksiýany synap başlady. Ilkibaşda ol diňe ABŞ-daky ykjam enjamlarda YouTube Premium-yň ulanyjylary üçin elýeterli bolar.
Işledilende gözlegiň netijeleri esasy wideony, beýleki wideolaryň miniatýuralaryny we AI-niň döreden tekst synyny görkezýär. Täzelik söwda, syýahat we gözel ýerler bilen baglanyşykly sowallary öz içine alýar. Işleýiş ýörelgesi Google gözleg ulgamyna bireýýäm ornaşdyrylan AI Overviews tehnologiýasyna meňzeýär.
Mundan hem başga, YouTube wideonyň mazmuny boýunça sowal bermäge mümkinçilik berýän başga bir AI guralyna girişi giňeltdi. Öň ol diňe Premium-yň abonentleri üçin elýeterli bolsa, indi ABŞ-daky käbir adaty akkaunt eýeleri üçin hem elýeterli.
Funksiýanyň beýleki sebitlere ýaýrajak wagty barada entek maglumat ýok.
