WhatsApp messenjeri täze «Message Summaries» atly funksiýasynyň işe girizilendigini mälim etdi. Bu funksiýa arkaly ulanyjylar okalmadyk hatlaryň emeli aň tarapyndan taýýarlanan gysgaça mazmunyny görüp bilerler.
Täze funksiýa ilki bilen ABŞ-da iňlis dilinde elýeterli bolar. 2025-nji ýylyň ahyryna çenli bolsa, beýleki sebitlere we dillere giňeldilmegine garaşylýar.
Bu funksiýa «Summarize privately» diýen düwme arkaly işleýär. Bu düwme okalmadyk hatlaryň üstünde peýda bolýar. Kompaniýanyň bellemegine görä, bu aýratynlyk köp sanly söhbetdeşlikleriň arasynda aňsatlyk bilen ugrukmaga we ýygnanan hatlary tiz wagtda gözden geçirmäge kömek eder. Esasanam, ulanyjy messenjere uzak wagt girmedik bolsa ýa-da birnäçe aktiw söhbetdeşlige gatnaşýan bolsa, bu aýratynlyk has peýdaly bolar.
Şeýle-de bolsa, WhatsApp bu tehnologiýanyň entek kämil däldigini we hatda ýönekeý gepleşikleri hem käwagt nädogry seljerýändigini boýun alýar.
Gizlinlige aýratyn ähmiýet berilýär: bu funksiýa diňe ulanyjynyň özi tarapyndan el bilen işjeňleşdirilýär, maglumatlar «end-to-end encryption» usuly bilen şifrlenýär we serwerlerde saklanmaýar. Mundan başga-da, «Advanced Chat Privacy» sazlamalary arkaly aýratyn söhbetdeşlikleri seljeriş prosesinden çykarmak mümkinçiligi bar.
