Ford kompaniýasy 2026-njy model ýylynyň Explorer Tremor wnedorožniginiň täzelenen görnüşini hödürledi. Model önümçilikden aýrylan Timberline komplektasiýasynyň ornuna geldi.
Täze model klirensi 25 mm ýokarlandyrylan wnedorožnik podweskasy, güýçlendirilen stabilizatorlar, öň tarap we yz tarap gorag plastinalary, şeýle hem ähli ýola bolýan rezinli 18 dýuýmlyk tekerler bilen enjamlaşdyrylandyr.
Täze model güýç gurluşynyň iki görnüşi bilen elýeterlidir: 300 at güýçli 2,3 litrlik EcoBoost I4 turbo hereketlendirijisi we 400 at güýçli 3,0 litrlik iki turbo V6. Kämilleşdirilen wnedorožnik häsiýetnamasyny Torsen diferensial gulpy we öňdäki buksirleýji çeňňekler bilen üpjün edýär.
Salony Google Maps-i we Google Play-i goldaýan Ford Digital Experience multimediýa ulgamy, şeýle hem CoPilot Assist 2.0 sürüjä kömek ulgamy bilen enjamlaşdyrylandyr. Sürüjä BlueCruise 1.5 elsiz hereket sürüjilik funksiýasy elýeterlidir. Opsiýalaryň sanawynda owkalaýjyly oturgyçlar we B&O ses ulgamy bar.
Explorer Tremor rahatlygy we wnedorožnigiň mümkinçiliklerini birleşdirýän ulagy halaýan alyjylara gönükdirilendir. Sargytlar eýýäm açyk, üstümizdäki ýylyň ahyrynda iberilip başlanar.
