Joopiter onlaýn auksionynda Maýkl Jordanyň goly goýlan 1980-nji ýyllaryň seýrek kolleksiýa otkrytkasy satuwa çykaryldy. Söwda 26-njy iýuna çenli dowam eder diýip, What’s Jam neşiri habar berýär.
“Bu kart – ýönekeý bir kolleksiýa predmetinden has uly zat, bu sportuň we pop-medeniýetiň bir bölegi. Bu Maýkl Jordanyň mirasynyň we basketbol kartoçkalaryny ýygnamagyň ewolýusiýasynyň beýany” – diýip, Joopiter platformasynyň wekili belledi.
Belli bolşy ýaly, bu otkrytka Jordan 2024-nji ýylyň başynda Floridadaky golf-klubda bolan şahsy duşuşygy wagtynda gol çekdi. Şeýle kartoçkalardan jemi dokuz sanysy bar. Olardan örän gowy ýagdaýda diýlip baha berlenleriň biri 1,4 mln funt sterling ($1,8 mln) başlangyç baha bilen satuwa çykdy.
Bilermenler ahyrky bahanyň 2,2 mln funt sterlinge ($2,9 mln) ýetip biljekdigini çaklaýar. Bu öňki rekorddan hem köpdür: 2023-nji ýylyň tomsunda 1984-nji ýylyň şeýle kartoçkasy 2,1 mln funt sterlinge satyldy.
