Samsung-yň giňeldilen hakykat (eXtended Reality, XR) garniturasynyň tanyşdyrylyşy 29-njy sentýabrda Günorta Koreýada Unpacked çäresinde bolar. Garnitura 13-nji oktýabrda satuwa çykarylar. Az soňra bolsa dünýä bazaryna çykar, diýip, GSMArena neşiri habar berýär.
Project Moohan diýlip atlandyrylýan bu enjam Google bilen Samsung-yň geçen ýyldan bäri bilelikde işläp taýýarlaýan wirtual we giňeldilen hakykat enjamlary üçin niýetlenen Android-iň ýörite wersiýasy bolan Android XR-de işleýän ilkinji garnitura bolar.
Kompaniýa eýýäm enjamyň prototiplerini birnäçe gezek görkezdi. Koreýadaky görkezilişden ozal prototip we tizer wideosy iýul aýy Unpacked çäresinde görkeziler, bu ýerde eplenýän smartfonlaryň täze modelleri bolan Galaxy Z Fold7-niň we Flip7-niň bildiriş edilmegine garaşylýar. Şeýlelik bilen, kompaniýa bazaryň reaksiýasyna baha berýär.
Garnitura Qualcomm XR + Gen 2 çipi bilen üpjün ediler, habar beriş serişdeleriniň habaryna görä, ony Samsung-yň özi 4 nm prosess tehnologiýasy arkaly öndürýär. Şeýle hem, Google Gemini-niň emeli aň bilen birleşdirilmegine garaşylýar.
