Belli k-pop topary BTS 2026-njy ýylyň martynda doly düzüm bilen sahna gaýdyp gelmegi meýilleşdirýär diýip, The Korea Herald habar berýär. Bu toparyň ýedi agzasynyň ählisi hökmany 18 aýlyk harby gullugyny tamamlandan soň mümkin bolar.
“BTS-iň gaýdyp gelmegi geljek ýylyň mart aýyna meýilleşdirilýär” – diýip, topara ýolbaşçylyk edýän Hybe kompaniýasynyň wekilleri habar berdi. Bu Hybe-yň baş direktory Li Çže Sanyň öňki aýdanlary bilen gabat gelýär. 2024-nji ýylyň başynda ol paýdarlara topara “taýýarlyk we döredijilik işleri üçin wagt” gerek boljakdygyny aýtdy.
Häzir diňe Şugunyň gaýdyp gelmegine garaşylýar. Ol jemgyýetçilik işgäri hökmümde alternatiw gullugy geçýär we ony şu aýyň ahyrynda tamamlamaly. BTS-iň uly agzasy Jin 2024-nji ýylyň iýunynda, Jeý-Houp 2024-nji ýylyň oktýabrynda gulluk borjuny tamamlady.
2025-nji ýylyň 10-njy iýunynda harby gullukdan Wi we RM gaýdyp geldi. Olary Çhunçhondaky stadionda 200 töweregi muşdaklary garşy aldy. 11-nji iýunda bolsa Çimin we Çonguk raýat durmuşyna gaýdyp geldi.
Çimin ýygnanan muşdaklara we žurnalistlere minnetdarlyk bildirdi: “Köp wagt geçdi: pandemiýa, harby gulluk. Indi biz gaýdyp geldik, biz taýýarlan çykyşlarymyzy görkezmek üçin yhlasly zähmet çekeris”.
Belläp geçsek, BTS-iň bütin dünýäde 90 milliondan gowrak muşdagy bar. Bu hem topary pudakda iň meşhurlaryň birine öwürýär.
