Samsung Health ekoulgamynyň käbir aýratynlyklaryny, şol sanda Galaxy Watch akylly sagatlarynda ornaşdyrylan mümkinçilikleri monetizasiýa etmek meýilnamasyny tassyklady. Bu barada Samsung Electronics-iň “sanly saglyk” bölüminiň başlygy doktor Hon Pak CNet-e beren interwýusynda mälim etdi.
Onuň sözlerine görä, kompaniýa Fitbit Premium we Garmin Connect Plus ýaly tölegli abuna ýazylmagy ornaşdyrmak mümkinçiligine seredýär. Tölegli bukja haýsy funksiýalaryň goşuljakdygy takyk aýdylmaýar. Şeýle-de bolsa, söhbetdeşlikde esasy üns ýakyn wagtda geçiriljek One UI 8 Watch programma üpjünçiliginiň täzelenmesine gönükdirildi. Täze mümkinçilikleriň arasynda ýürek-damar ulgamyna düşýän agramy, ukynyň hilini we bedendäki antioksidantyň derejesini giňişleýin gözegçilikde saklamak bar.
CNet-iň belleýşi ýaly, Samsung enjamlaryň häzirki modelleriniň eýelerine täze aýratynlyklara mugt girmegi teklip edip biler, şol bir wagtda köne sagatlaryň eýeleri bolsa, tehniki goldawlary bar bolan ýagdaýynda, tölegli görnüşde elýeterli bolar.
Kompaniýa ilkinji gezek geçen ýyl Samsung Health-a tölegli funksiýalary girizjekdigi barada aýdypdy. Işewürlik modeline girizmek meýilleşdirilen üýtgeşmeler, megerem, diňe munuň bilen çäklenmese gerek. Samsung öň Galaxy AI funksiýalarynyň diňe 2025-nji ýylyň ahyryna çenli mugt boljakdygyny mälim edipdi. Şondan soň kompaniýa käbir AI funksiýalaryny tölegli kategoriýa geçirip biler.
